مدونة اكلك احلى بتقدملك مجموعة من اشهى الوصفات مجانا
تماما
تماما
شوفي وصفات المدونة من هنا
وزورى صفحتهم على فيسبوك من هنا
خطة كااملة لادارة بيتك بجداول متابعة يومية ونصف
اسبوعية واسبوعية وشهرية
اقريها - اطبعيها - امشي عليها
ومش هتحتاجي تنفضي بمجهود كبير كل عيد ولا هتحسي
بتعب ف شغل البيت
هدية مجانية من ربات بيوت بس كيوت
شير وابعتيها لكل صحباتك وحبايبك
حمليها من هنا
بدون اي تعقيدات انتي ممكن تعمل مشروع صغير وتكسبي منه
اول فكرة النهاردة هي فكرة صناعة الشموع وتزيينها وبيعها
من غير اي خامات يكفيكي انك تجيبي شمع ابيض عادي بالجملة من اي عطار كبير من الشمع الطويل الل بنستخدمه لما الكهربا تقطع
وتسيحيه على النار وتشكليه بقوالب السيليكون ودي اسعارها رخيصة ب25 و30ج والخيط بتاع الشمعة اسمه فتيل بتشتريه من عند العطار برضه
والالوان ممكن تستخدمي الوان طعام ساية اوتجيبي شمع ابيض وشمع ملون
بكدة بأقل من 200ج ممكن تشتري كل خاماتك وكمان تشتري كاسات رخيصة تعملى فيها شمع وتزينيه وتبيعيه
هتبيعي ازاى؟
هتعمل جروب او صفحة على فيسبوك وتصوري شغلك وتعرضيه بأسعار بسيطة
وهتبعتي الطلبات للناس بشركة شحن وهيدفعوا عند الاستلام وانتى تروح تستلمي فلوسك من شركة الشحن
الموضوع بسيط وسهل جدا جدا
ودي شوية طرق من طرق تشكيل وتزيين الشمع وطبعا منقولة للامانة
عمل شموع بقشر البيض
هنفتح البيضه من فوق فتحه صغيره خالص زي الصورة
و ننضفها بمنديل
هنجيب شمع بالالوان اللي احنا عايزينها
و نسيحه على نار هادية اووووووووووووي
او نسخنه في حمام ميه
و بعدين نصبه في البيضة
و نحط الفتله و نربطها بالشكل ده
و نحطها في بيالات قهوة
و ده شكلها لما تجمد خالص
اللي عايزة تعمل اكتر من لون براحتها
وممكن تعملي درجات اللون بردو
و ممكن نزينها بالشكل ده :
الشكل التاني :
شموع اسفنجية
الطريقة :
بجيب ثلج و اضربه في الخلاط بحيث يكون قطع صغيره
و اجيب الكاسة او العلبة الي هعمل فيها الشمعه
و اصب الشمع و احط قطع الثلج وسطة
و لما يجمد هيسيح الثلج و النتيجة زي ما في الصورة ..
افكار تانية لتزيين الشموع :
الرسم عليها بمحدد الزجاج
عمل قاعدة ليها فيها ورد صغير
تزيينها بالجليتر و شريط ساتان صغنون
طيب هعلن فين عن شغلي عشان الناس تعرفه؟
ممكن تنشري جروبك في جروباات الاعلانات بنفسك في البداية ولما شغلك يبتدي يكبر تتفقي مع مسوقة الكترونية تسوقلك شغلك وتعلن ليكي عنه بمقابل بسيط
اى حاجة في الدنيا ممكنة لو جربتي وخدتي خطوة ومستقليش باللي ممكن توصليله وتحققيه
و عجبك الموضوع شير مع صحباتك وانتظروا مشروعات منزلية جديدة كل اسبوع من كتالووجي دوت كوم
كلنا عارفين ان تقديم الاكل فن وفن راقي جدا كمان
وزي ما بيقولوا ان العين بتاكل قبل الفم
دي شوية طرق تقديم بسيطة وسهلة وتقدري تنفذيها ف اي وقت بدون مجهود كبير وهتبهري بيها كل ضيوفك وعيلتك كمان وهتفرح اطفالك
لو عجبك الموضوع اعمللي شير وبعتيه لكل صحباتك ومستنيين تعليقاتكم الجميلة اسفل الموضوع
واستنوا منن كل جديد في كتالووجي دوت كوم
حياتك...بقالها كتالوج
حياتك...بقالها كتالوج
كل واحدة فينا نفسها تبتدي مشروع خاص بيها من البيت
واالنهاردة ف كتالووجي هنقدملك افكار بسيطة تبتدي بيها مشروعك الاول من البيت وطبعا البداية هي اهم خطوة وبعد كدة بتكبري مشروعك واحدة واحدة او بتعملي اكتر من مشروع حسب وقتك وامكانياتك ومهاراتك
الخطوة الاولى
حددي انتي عاوزة تعملي ايه بالضبط
ولو معندكيش فكرة محددة تاجرات كتالووجي بيوفرولك فرص كتيرة منها العمل في البيع المباشر على الانترنت
مع العلم اانك بمجرد عملك عضوية مع اى تاجرة منهم وشرائك لمنتج واحد بعضويتك الجديدة بتاخدي كورس مجانى م بينك ستار للتسويق والاعلان
الخطوة التانية
لو انتي فعلا محددة فكرة في دماغك وعاوزة تعرفي ترتيباتها
كل اللى عليكي انك تجيبي ورقة وقلم وتكتبي كل اللى تعرفيه عن فكرة مشروعك وبعدين تدخلى على الانترنت تدوري على مشروعات مشابهة ليه وتشوفي متنفذ ازاى وتبتدي تكتبي الخطوات اللى هتحتاجيها للبداية
الخطوة التالتة
تحسبي انتي هتقدري تفضي وقت قد ايه لشغلك كل يوم مع مراعاة كل مسئولياتك ولو ابتديتي بساعتين بس يوميا هتبقى بداية كويسة جدا
الخطوة الرابعة
تحددي ميزانيتك الحالية وراس المال اللى مشروعك هيحتاجه ولو الفرق كبير شوفي اي خطوة صغيرة ممكن تبتديها ومنها توفري لفرق اللي ناقص
الخطوة الخامسة
تعملي جروب على افيسبوك عن مشروعك وتضيفي ليه صحباتك ومعارفك وتبتدي تسوقي لفكرتك او المنتج اللى بتقدميه بطريقة حلوة تشد الناس انهم يشوفوا ويشتروا منك
الخطوة السادسة
تحسبي الارباح المتوقعة ولازم تعملى حسابك انك في البداية متطمعيش في ربح كبير ومرة على مرة مع ثقة الناس في منتجك ممكن تزودي ربحك منه شوية
الخطوة السابعة
استثمار الارباح
دايما عودي نفسك ان الربح من مشروعك مش كله يتصرف ولازم تشيلي جزء من ارباحك تستثمريها ودة بإنك تكبري بيها من مشروعك او تبتدي بيه مشروع صغير تاني تشتغلي عليه
الخطوة الثامنة
الاهتمام بعملائك وعميلاتك لاقصى درجة لانهم كل ما لقوا منك اهتمام ومحبة وحرص على مصلحتهم كل ما هتكوني اختيارهم الاول لما يحبوا يشتروا منتج معين ودة لانك هتكوني ليهم مش مجرد حد عاوز يكسب من وراهم فلوس انما بتهتمي فعلا بمصلحتهم
الخطوة التاسعة
اشركي عيلتك في مشروعك
خلي دايما عيلتك مصدر تشجيع وتطوير ليكي ولمشروعك وخدي رأيهم في شغلك وطريقة التسويق وطريقة تقديم المنتج بتاعك واسمعي افكارهم حتى ولادك الصغيرين ممكنن تطلع منهم فكرة تكون سبب ف نجاح اكبر ليكي
الخطوة العاشرة
استغلي الانترنت بالشكل الافضل لتطوير مشروعك سواء بإنك تتعلمى التسويق الالكتروني فتسوقي منتجاتك بشكل افضل او انك تشوفي منافسينك بيعرضوا منتجاتهم ازاى وتعرضي بشكل افضل او انك تتعرفي على افكار لمشروعات جديدة بسيطة تقدري تبتديها من بيتك
ومهما فكرتي انك متقدريش افتكري دايما ان ربنا اللي خلقك وقدرك على تحمل كل الضغوط والمسئوليات اللي عليكي اكيد اكيد هيعينك انك تنجحى وتحققي طموحاتك من جوة بيتك بشوية صبر وحبة مجهود وثقة في الله وتوكل عليه
لو عجبك الموضوع اعملي شير وعرفي بيه كل صحباتك
وبنرحب بتعليقاتكم اسفل الموضوع ولو عندكم اي استفسارات او اسئلة راسلونا فورا
ومتسوش تزوروا مول كتالووجي وتشوفوا بنفسكم نماذج ناجحة كتير لان كل تاجرات المول مشروعاتهم معمولة من البيت وماشاء الله دلوقتي كلهم من احسن تاجرات الفيسبوك بشهادة كل من تعامل معاهم