في اوقات بتيجي على كل واحدة مننا بتكون فيها شايفة الدنيا ضيقة ومبتبقااش قادرة
تشوف الدنيا كويس
دي لحظات ضعف عادية بتعدي على كل وحدة فين بسبب ضغوط او ارهاق او قلة التغيير في لروتين اليومي بتاعنا
بس اوقات بتكون اللحظات دي خطر نفسي عليكي ولازم تواجهيها بسرعة والا ممكن فعلا تؤدي للاكتئاب
عشان كدة لووجي بتقوللك ان في 10 اسباب تخليكي تحبي نفسك
اكتبيهم ف ورقة وخليها قريبة منك وكل ما تحسي بالضعف طلعي الورقة دي واقريها وحالتك النفسية ولمزاجية هتتحسن جدا
اولا: انتي مش مجرد ست او بنت عادية انتي محبوبة من ناس كتير وبتساعدي ناس كتير
ثانيا: انتي جميلة واوعي تقولي لا لأن ربنا ادى لكل واحدة حاجة تميزها عن غيرها وانتي اكيد عارفة دة
ثالثا: انتي انسانة مؤمنة وصبورة وبتتحملي الضغوط والشدائد وممكن جدا تفتكري ولو موقف صغير اتحملتيه وكنتي قده وزيادة وهتنبسطي جدا
رابعا: انتي مصدر بهجة وسعادة لاهل بيتك ومش معنى ان بيحصل بينك وبينهم اي مشاكل ان دة الاساس انما الاساس ان وجودك في الدنيا دي سبب لسعادة حد
خامسا: انتي انسانة خدومة وكتير بتجاملى كل اللى حواليكي ف فرحهم وزعلهم كمان ودة معناه انك ليكي اثر ف حياة غيرك مهما كان بسيط
سادسا: انتي ست يعني مفيش عندك حاجة اسمها استسلام ودايما بتفكري ف مليون حل لكل مشكلة تقابلك ومش بتهدي الا لما تحليها فعلا
سابعا: انتي ليكي عزيمة وقوة ارادة تهد جبل ومفيش هدف بتحدديه الا وبتوصلي ليه وزيادة حتى لو اوقات عزيمتك بتضعف بتعرفي ازاي تسندي نفسك وتقويها وترجعيها احسن مما كانت وافتكري مواقف كتير حصل معاكي فيها كدة
ثامنا : انتي مصدر رعاية وحب وحنان لاهل بيتك ومن غيرك يحتاسوا وفكري كدة لو عدى 24 ساعة من غيرك في البيت هيكون منظره ازاى هتعرفي قيمتك في بيتك كويس اوي
تاسعا : انتي مثل اعلى وقدوة لحد تاني يعني اكيد قدوة لاولادك او ليكي صاحبة بتتعلم منك ونفسها تبقى زيك
عاشرا : انتي حلوة من جواكى وعشان كدة كتير سامحتي ناس زعلوكي وجرحوكى لمجرد نك انتي اللي حلوة من جواكى مش عشان هما يستهلو انك تسامحيهم
بذمتك بقى حد يبقى عسل كدة وفيه كل الكلام الحلو دة ويزعل او يضعف؟
شاركينا بتعليقك اسفل الموضوع ولو عجبك ممكن تعملي شير وتبعتيها لصاحباتك :)
هل أعجبك الموضوع ؟