شغلك هو ركن مهم من اركان حياتك
ولازم تهتمى بيه كويس زي ما بتهتمى بمظهرك ونفسك وبيتك وعيلتك
لكن طبعا كلنا عشان انشغالنا الكبير بالبيت والاسرة ومسئولياتنا الكتير بتفوتنا حاجاتصغيرة ممكمن تتسبب ف انك تفوتك ترقية او تحصل بسببه مشكلة مع مديرتك او مديرك
خلي بالك من شوية النقط اللى جاية دي كل يوم ف شغلك وهتفرق معاكي جدا
اولا: اعملي قايمة بمهام اليوم اللي جاي من قبل ما تنمي وحطيها ف شنطتك وبكدة لما توصلي شغلك هتوفري وقت ومجهود كبير ف انك تفتكري كنتي عاوزة تعملي ايه
ثانيا: خلى معاكي نوتة صغيرة وقلم واكتبي فيها كل حاجة تتطلب منك اول بأول عشن متنسيش حاجة
ثالثا: استغلي وقت البريك في ترتيب اوراقك المبعثرة على المكتب او ترتيب جدول مواعيدك او عمل قائمة بالحاجات اللي عاوزة تشتريها وانتي مروحة
رابعا: جاملى زميلاتك في العمل كل ما تقدري لان ممكن جدا وقت الشدة في الشغل تحتاجي مساعدة وهتلاقيهم بيردولك الجميل على طول
لازم تعرفي انك جواكى سوبر وومن بتطلع وقت الشدايد فمتقلقيش لما يكون عندك مشروع مهم او اجتماع لازم يتحضرله كويس لانك اكيد هتقدري تثبتي نفسك ووجودك بترتيبك
هل أعجبك الموضوع ؟