كيكة قوس قزح من اشيك واجمل الحاجات اللي ممكن تقدميها سواء لضيوفك او لطفلك او في حفلاتك في البيت
الطريقة سهلة جدا ولنتيجة مضمونة 100%
مقادير الكيكة
عدد 3 بيض كبير
عدد 2 معلقة سمنة كبيرة
عدد كباية وربع سكر
عدد كباية كبيرة لبن
عدد 2 كيس فانيليا
معلقة كبيرة بيكنج باودر
رشة ملح صغيرة جدا جدا
الوان طعام سايلة او بودرة ويفضل السايلة والالوان هتكون
احمر - برتقالي - لبني - ازرق - موف - اصفر - اخضر
هتعملي خليط الكيك بطريقتك العدية خالص وبعدين تقسميه في اطبااق بعدد الالوان اللي هتعمليها
وبعد ما تقسمي الخليط لكمية صغيرة ف كل طبق تحطي عليه نقطة صغيرة جدا من اللون لان الالوان دي بتكون مركزة جدا وكتره بيمرر الطعم فلازم تخلي بالك
وتجيبي صينية صغيرة مدورة ويفضل لو قلب سيليكون مدور
وتسخني الفرن وبعدين تجيبي اللون الاول وتصبيبه في الصينية وتكون طبع مدهونة سمنة او زبدة
وتدخلي اول لون على الفرن
ف 5 ااو 7 دقايق بالكتير هيكون استوى تطلعيه وتحطيه يبرد وتعملي اللون الي بعده وهكذا
وبعد ما يبردوا كلهم تكوني مجهزة كريم شانتيه وتحطيهم فوق بعض طبقات وبينهم الكريم شانتيه
وبعدين تاسوي شكلها من برة بالسكينة وممكن تسيبيها من برة بدون تزييد او تزينيهاا من فوق بكريم شاانتيه ووحدات
M&M'S
وبالهنا
ممكن تفتكرى الموضوع متعب ومحتاج وقت لكن فعلا مش هياخد وقت ولا مجهود كبير وهيكون مصدر بهجة لطفلك واسرتك ومصدر اابهار لضيوفك
^_^
متنسيش لو عجبك الموضوع تعمليله شير مع صحبتك وبنرحب بتعليقاتكم اسفل الموضوع واستنوا مننا كل جديد
شفتي منتجات المنزل العصري من مول نور ولا لسة؟
شوفي احلى منتجات لبيتك توفر وقتك وفلوسك في مول كتالووجي من مول نور
وممكن تكملة للتقديم تعملي الفاكهة بالشكل الجميل دة باستخدام اعواد الشيش طاووق وبتتباع في السوبر ماركت
هل أعجبك الموضوع ؟